( عناد قلب
)
شايف وحاسس ومتأكد
وكل حركاتك قصاد عينى ب تأكد
بأنك فى هواكى عشقانى
وإنك بتتمنى في لحظه تلقانى
أشدك شد
وارميكى في احضانى
واقطف وردك الفايح
قوى في الخد
ونظرات عيينك
ونار القد
ومش تلميح
دى بتنادى بصوت مفضوح
وصرخه طلوع الروح
وبتقوللى تعالالى
أنا من غيرك كما ليل
شتا بارد ومستنى شعاع
الشمس
أنا حاسك كما عصفور
والجناح مكسور
وفى عشه كمان مهجور
ومش من الكسر بتعانى
من ايديك اللمس
لكن بصحيح
عليكى الهوى باين
ولو مره أمر عليك
أشوفك كما ورده
مشتاقه للميه
والورق دابل فتتمايل
كانه الريح
وترمى عبيرها للتلقيح
وأنا شايف لكن ب خفى
وشوقك ليا مش مخفي
دا واضح وضوح الشمس
وأنا مش قاسى
لكن بالأمس مش ناسى
قصاد الناس واحساسى
اللى مجروح
ما البانى بعز صروح
وأنا الحارس منين ماتروح
وأنا العين اللى بتداوى
وكللى قروح
أنا الواهب اليك الدم
فى الشرايين
أنا الراهب في معبد
لكنه حزين
انا الكاتب بقلمه في
الدواوين
أنا الرسام للوحه
بدون تلوين
أنا المخرج انا المنتج
انا خشبه المسرح
أنا اللى عشت في الكواليس
أأقيد أنوار أنا كاتم الاسرار
أنا اللى رتب الأدوار
لكن عمرى في يوم أبدا
ما قمت ب التمثيل
ليست هناك تعليقات:
إرسال تعليق